التصوير في الاردن   وفاة نائب حاكم الفجيرة   الشيخ محمد بن راشديشكر الأردن على حسن تنظيم القمة العربية   الأرض الفلسطينية بين كماشة الاحتلال وسندان شرعنة الاستيطان   رئيس مجلس ادارة البنك الاردني الكويتي يرحب بأمير الكويت في بلده الثاني الاردن   الشرق العربي للتأمين (gig) ترحب بأمير دولة الكويت في الاردن   افتتاح معرض للصور من العالم الإسلامي ضمن فعاليات عمان عاصمة الثقافة الإسلاميّة   جامعة عمان الأهلية تشارك في فعاليات معرض البحرين الخامس للتعليم والتدريب   عمان قمة الامة !!!   الملك يعلن اختتام أعمال قمة عمان  
التاريخ : Wednesday/04-Jan-17
الوقـت   : /12:23:47 

بلدي وان جارت علي

الشعب نيوز -

بلدي وان جارت علي الكتنب الصحفي زياد البطاينه

بقولوا انه بلدنا بلدنا ديمقراطي وانه شعبنا واعي ومش ساذج طيب مش اهبل بعرف الصغيرة والكبيره بس بقوت بمزاج او حبا لوطنه اللي مافي منه فهي الجنه على الارض جنه الدنيا وبلد الانبياء ومحط الرسل مباركه يابلدي ياقلعه الامن والامان لهيك عندي شويه حكي بدي ابقهن لانهن خنقني أه.... يا بلد نفسي قبل ما أموت الاقي زمانك وزمانى.... انا بعرف انه في مشكينه وانا بلد بتعاني بكل المعاني حتى بكياني وانا أملى أحس بكيانى.... نفسي أعيش من غير ما أنافق لفلان الفلاني ...نفسي أعيش من غير ما أنافق ولا حتي لا بوي اللي رباني .....علي السكوت وعلي العيشة, قالوا لنا المعارضة حرام وانااللي بقول ....هل اللي بطالب بحقه حرام؟؟ نفسى أعرف شو هو الحلال فى بلد االالف حرامي وشله من المستوزرين و نواب سياسيين حزبيين والطعم اللي بشدهم هو التغيير او التعديل الوزاري.......... وياخوف قلبي يصير تعديل مش تغيير لانه شو بده يعدل تايعدل .... والثمانية ملياردينار صاوا اكثر من ثثين او اكثر اشي داخلي واشي خارجي والوظايف تضاعفت بالرغم من انه بقولوا مافي وظائق لكن شايف في تسريب نحو الكبار وابناء الكبار والاسعار نار يامختار والله وكيل وصلت القاع والفساد سكن بمؤسساتنا وعشش ..... مابعرف ليش الكبار مابفكروا مثل الصغار بهالوقت هل ياترى العقول بتختلف ولا لانهم شبعانين ولا لانهم قرفانين.... ختيروا وهرهروا وماعاد تقدر ادمغتهم تشتغل او مابعرفوا شو في بالشارع ولاذاقو المر ولاعرفوا الجوع والقهر والبرد والمرض واليتم ,ومابعرفوا ولا بدهم يعرفوا شو في بالشارع ولاذاقو المر ولاعرفوا الجوع والقهر والبرد والمرض واليتم .....كل شي صاربهالدنيا بالتوريث ابن الحراث حراث ...وابن السفير سفير... وابن الوزير وزير ... والفقير بظل فقير وكل ماقدروا دعسوه ...... توزيرهم وراثه ووظائفهم وراثه مثل مزارعهم بناياتهم واراضيهم واللي مش عاجبه يطق راسه بالحيط او زي ماقالوا يبلط البحر ..تانبلط بيوتنا بالاول .صحيح الكبير بظل كبير اما الصغير لازم يظل صغير ....ولا مين بدهم يحكموا... وعلى مين يشوفوا حالهم على مين بدهم يعلقوا اخطائهم ومثالبهم وعوراتهم على مشجب واحنا المشجب وطولنا عمرنا مشجب وزراء كيف بلتموا وكيف بتعارفوا وكيف بتجانسوا مابنعرف حتى فريق كفريق القدم اذا مش متجانس ومتفاهم النتيجه بتكون سلبيه وزارة رايحة ووزاره جايه ولما بتفشل بلاقوا شماعه وبطردو لهم ثلاثة وبجيبوا اربعه والحال على حاله بس للاسف التغيير لازم يكون بالسياسات بالبرامج مش بالشخوص كراسي ... ..حكومة رايحة وحكومه جايه …طرابيش وطواقي بتتنقل من راس لراس وبظل ثلاث اربع كراسي مالقوا لهن حد ودولاب الحظ بيدور وعلى راس مين الله وحده يعلم ويمكن يكونوا من حظ سعيد الحظ اللي مرتبط واللي بتعامل واللي بشتغل هون ولا هون ومن حظ حاملي الجنسيات المختلفة او اصحاب المزارع او الكروش المتدليه او الصفقات ومن المتعهدين والدكاترة المعالجين ماحد داري عن قرعه بيهم من وين.... وكيف بنزلوا علينا وبنصير نفتش عن سيرهم الذاتيه وتعظيم احترام .... لابنعرف اسرارهم ولا من وين اجو ولاوين رايحين والله العظيم احنا بنحب بلدنا بنحب حكوماتنا بنحب الجيران واحنا الانصار بلدنا مفتوح بلدنا مشرعات ابوابه .....لكن .......مش على حساب لقمه اولادنا ودوا اولادنا...... وميات شرب اولادنا.... ولا على حساب جوعنا وقهرنا .........كلها بتقول مدفوع ثمنه.... ملعون هالثمن اللي ماشفنا منه زول ماشفنا منه شي واحنا بعدنا بنسدد فواتير الراشي والمرتشي والمختلس والفاسد احنا مع حكومتنا وبنحبهم بس لايختبروا صبرنا... صابر الاردنييناللي بعدهم صامدين ..... ولا يراهنوا على صبرنا...... عندنا انتماء عندنا ولاء عندنا تسامح عندنا كرم وطيبه وشجاعه ونزاهه وخلق هاي راس مالنا وما بنسمح لحد يمسهن..... خاصة الكرامه ياحكومه الجوع كافر وبنطق الاخرس الجيعان بتحول من ارنب لاسد... ياحكومة الجيعان بركان وقوة وطوفان مش راح تقدروا توقفوا قدامه لو ثار... هم صبرو بقليلهم ورضيوا لكن قليلهم مش راضى بيهم ,, وبيتأمر عليهم وزرا ونواب وتجار ضمائر وتجار مواد غذائيه ونفط وضرايب ورفع دعم وخراب بيوت ومستقبل كله على هالغلابى وعلى لقمة عيالهم و اللي رضيوا بالبين واليبين مارضي فيهم .... من هون بقول لحكومتنا خلص انتبهوا حذارى من ثورة الجياع حذارى..... من الجيعان لو طلع فى ثورة ومفيش وراه اللى يخسره..... نواب وزرا سياسيين احزاب شخصيات تجار كلمه..... تجار ضمائر باعو واشتروا بينا بينا ومستعدين يموتوا دفاع عن كراسيهم ...... كم نيرون ونيرون بيهم احرق الدنيا وبقعد على عزايم الفقرا وبفكر انهم هبل وبضحك وبمد رجليه ومش داري بيهم.....بالغلابى باعو واشتروا بينا بدافعواوبناضلوا حتى ويحافظو على كراسيهم وخلونا سلالم طلعوا عليها وتفوا على اللي تحت.... سمعتهم بقولو غصة الجوع اقوى من تعذيبات المعتقلات والجوعان ما يفكر بالجيش ولا بالشرطة و بالدرك و المعتقلات لو جاع .....الموت ارحم له من انه يعيش جوعان فى بلده واولاده تموت قدامه جوع وقهر ومرض على الاقل عمره ما بجوع..... ساعتها الشرطي والعسكري هم كمان اردنيين وجيعانين واهلهم شقيانين زيهم واكتر ومش راح يضربوا اللى حاله مثل حالهم واضرط شويه حكومتنا نازله تعين كبار وصغار.... وتصدر فرمانات برفع الاسعار والضرائب والسطو على اخر قرش بجيبه الانسان الاردني...... نسيت انها امام مسؤوليات وامانه وواجب وان عقول زلمها لازم تحك روسها وتفكر كيف الحل ومن وين تجيب تسدد فواتير الفساد ورواتب واجور العباد ..فهم لهالواجب جايين . وزادت الطين بله قروض ومساعدات وخصخصة وانفاق غير مبرر والحل موجود ......عصــــــــــر الانسان...... وشد الحزام..... وتمزيق جيبه.. بس للاسف ماعادت جيب ولا عاد انسان ....بقايا انسان..... الحكومة مش مصدقه لانه بعض نوابنا بلموا لمه من ناس غلبانه ناطره وظيفه مراسل ولا عامل وبعزموا الكبير على مائده حالها بقول بعد انساننا مليان.......لاتصدقوهم ونسيوا عيديه الايتام والفقرا ونسيوا الفطر و الاضحى وماتركوتا حتى رغيق الخبز لحقونا عليه وبقولواهيك بقولوا انه بدهم يعطونا بطاقه ونصطف عالدور ونوخذ ثلاث ارغفه بالكوبون نسكت فيها جوع الاطفال والله اعلم متى ياتي الدور لاخذ الرغيف اللي هددونا فيه وهاي حجه الغلبان ماظل عندهم غير رغيف الخبز خذوه .....الكلاب شبعانيته.... شخوص بتتغيير ولازم برامج تتغير تناسب الطفران والجوعان والعريان مش تعديل وتغيير وتسميه خانات جديدة والاهم تغيير السياسات بدنا تعديل إنساني ..... .بلدنا بتموت وشعب فى حالة سكوت وكانها لعبة اتارى من كتر الظلم والظلمة بقول ياريت الماضي يرجع تاني ياريت مانشوف الفاسد بطلع من صاله كبار الزوار والشريف برموه بنظارة المطار على قيمه شيك منسي او غرامه طابع من سنين قبل مايسافر وقبل الشب ما يرجع للبلد شايب يابلدي انا اللي من صغري أخترتك جنتي وفراشي وغطاي ارجعت الك لقيتك مقبره اللي ولاولادي أنا اللي من صغري أخترتك كلمتي ألاقيكي مقيداني الشئ اللي تغير فيك انك صرت تضاهي اليابان بالغلا وارتفاع المعيشة بس على بلاطه ياحكوماتنا..... صدقوني مثل مابتنفذوا اوامر البنك الدولي احنا بنفذ اوامركم حرفيا ومصدقينكو بس بنسمع كلامكم وبنشوف اعمالكم ضدان لايتفقان .... وبعد البنك الدولي رايج جاي ذ ل الشعب وبمجد بالحكومة اللي بتنفذ اوامره بالحرف ...... جوعتونا وعطشتونا وقرفتونا عيشتنا وشو اكثر يوم كهربا ويوم نفط ويوم غاز ويوم خبز ويوم ضرائب ويوم ويوم ونفذنا وصاياك ياحكومة بالحرف الواحد وعالعمياني الله وكيل نفذنا نصايحك وماعدنا نعرف نوابنا الكل قاعد ومرخي ... ولما مايلاقي حصته راح يرجع ويثور ويصير ثوري ويطالب بالتغيير وبعدكم بتقولو مديونيتنا وصندوق البنك الدولي رايح وجاي وبتقولو انه في ضرايب جديدة ومخالفات سير عالغميض وهون رادار وهون كاميرا وهون شرطي سير وغرامات وارتفاع اسعار وجمارك وغيره وغيرات ماهو كل مااجا الله يسلمه بقول بعد بكير ومطالبنا لازم تتنفذ وبعطينا روشيته جديده قبل ما تنتهي اللي قبلها بعطينا وصفه جديدة مش قابله للتغييرات حتى لو الشعب مات ياريت حكوماتنا شفافة وصادقه معنا لانا شركاها بالمغرن مش بس بالمغنم وقد روجت للكثير من القصص والقضايا التي لم تنطلي على المواطن حتى هدمت جسور الثقة وفقدت المصداقية بين اطراف المعادله....... . . وعادت حكوماتنا لجرد الموازنه ومعرفه حجم الديون وفوائدها وبالمقابل ازداد الانفاق بل الهدر والمخالفات والفساد اتسعت رقعته و تراجع التصدير وزادت نسبة الاستيراد وهرب الاستثمار محليا واجنبيا بعد الاستفاده من الفرص الممنوحة مثلما كان التهرب الضريبي ورحيل الراسمال العربى والمحلي وحتى الاجنبي...... والسؤال الاكبر الا تفهم حكومتنا ان البنك الدولي ........هو عدو الشعوب لكنه ليس الوحيد المسؤول عن انعدام الرؤيا الاقتصادية الوطنية وغياب الشفافية والديمقراطيه المهزومة مثلما هي سياسات عباقرة الاقتصاد نعم الشعب مستني تعديل تغييرمستني خموملت قلبها مع المواطن مش عليه وتواب تعرف مهمتها تشريع ورقابه تريح المواطن وتوفي بوعودها




التعليقات

لا يوجد تعليقات على هذا الخبر
اضافة تعليق
الاسم
التعلق

تنويه

 • تتم مراجعة جميع التعليقات، وتنشر عند الموافقة عليها فقط.
• تحتفظ " الشعب نيوز " بحق حذف أي تعليق، ساعة تشاء، دون ذكر الأسباب.
• لن ينشر أي تعليق يتضمن إساءة، أو خروجا عن الموضوع محل التعليق، او يشير ـ تصريحا أو تلويحا ـ إلى أسماء بعينها، او يتعرض لإثارة النعرات الطائفية أوالمذهبية او العرقية.
• التعليقات سفيرة مرسليها، وتعبر ـ ضرورة ـ عنهم وحدهم ليس غير، فكن خير مرسل، نكن خير ناشر.