هل سيلتزم "الملقي" بتعهد "النسور" بتقديم دعم المحروقات في حال تجاوز سعر البرميل 100 دولار؟   بلنسية يواصل انطلاقته في الدوري الأسباني ويقسو على إشبيلية برباعية نظيفة   برشلونة يعزز صدارته بالفوز على ملقا   بالتفاصيـل ... بيان من الفيصلي حول الاعتداء على لاعبي الوحدات   الرمثا يواصل صدارة دوري المحترفين   ضبط مركبة بداخلها 40 تنكة زيت زيتون مغشوش في جرش   عفو عام .. وقف هدر السجون .. وزرع بسمة لآلاف الأسر الأردنية .. لم لا؟   قراقيش يطالب بالإطلاع على نتائج التحقيق بحادث الاعتداء على مواطن في البحريني   وفاتان و3 إصابات بتدهور سيارة في ذيبان   أبو عابد مديرا فنيا لـ"النشامى"  
التاريخ : Saturday/12-Aug-17
الوقـت   : /10:22:16 

ناشط اجتماعي

الشعب نيوز -

مصطفى الشبول

ناشط اجتماعي وأخيراً استلم أبو خليل مكافئة نهاية الخدمة بعد مشوار حافل بسلك الوظيفة الحكومية ، مع انه طلع من الوظيفة على نظام التقاعد المبكر لحاجة في نفسه... علماً بأن عمر أبو خليل بعده بالأربعينيات (يعني بعز الشباب) ... المهم مسك المصاري من هون وحيلك على محل الحلويات من هون، أشترى أكم سدر كنافة وعزم أهالي الحارة وأصدقائه على سهرة بهاي المناسبة ،وأم خليل ما ضل برأسها عقل وهي تحكي له : يا رجل لا تضيع هالمصاري على شغلات ما لها لزوم ولا إلها داعي، وشوف كل اللي بتقاعدي ما حدا عمل حفلة ولا جاب كنافة...وخلينا نعمل بالمصاري مشروع صغير، يا أفتح دكانه صغيرة بالحارة أو اشتري لك بكم اشتغل عليه أحسن لا تضل قاعد بخلقتي...وأبو خليل ولا عند قريش خبر...و ثاني يوم سرى على محلات الألبسة ، وأشترى له طقمين ،طقم رسمي (بدله مع ربطة) وطقم شعبي (ثوب وشوره وعقال مع عباية) ... وصار كل يوم يقعد من الصبح باب الدار و يعمل بكرج قهوة للرايح وللجاي ... وكل ما يصير مناسبة أو ندوة أو اجتماع بالقرية أو بالقرى المجاورة (ينطّح حاله) ويروح ويحضر (طبعاً بدعوة وبلا دعوة ) حتى لما سمع عن ندوة للمزارعين لمكافحة حشرة الرمان، لبس اللباس الشعبي وجلس بالصف الأول مع أنه لا عنده أرض ولا بحياته زرع لا رمان ولا زيتون ولا حتى حوض نعناع بالدار، والمصيبة الكبرى لما قرأ عن إعلان (للسيدات فقط ) عن حضور ندوة وورشة عمل طبية بإحدى الجمعيات بعنوان الوقاية وعلاج سرطان الثدي ، لبس أبو خليل البدلة الرسمية و وينك يا الجمعية وبالصف الأول قعد ... وكل يوم أم خليل بتقول له : يا رجل شوف لك شغله أحسن لك من هالسوالف اللي ما بتطعم خبز ...برد عليها أبو خليل يا عمي أنتي شو بعرفك ، جوزك صار ناشط اجتماعي قد الدنيا... هكذا يحدث مع بعض الأشخاص الذين يتنطّحون لكل شيء ، فتجدهم في كل المحافل والمناسبات التي تعنيهم أو لا تعنيهم ...فيكون بالزراعة مزارع ..بالاقتصاد اقتصادي ...بالسياسة محلل سياسي ... بالتربية تربوي ( مع أنه ما بفك الخط) ... بالرياضة رياضي على مستوى عالي ... بالطب والدكترة دكتور مختص واستشاري كمان... والمشكلة أنه بحاشك وبهاوش للجلوس على الكراسي في الصفوف الأولى مشان يتصور وينشروا صوره على النت ...ولما يحكي بصير يشيل من تحت رجليه ويدير فوق رأسه ، و قبل ما يحكي بعّرف عن نفسه بالناشط الاجتماعي فلان الفلاني أو الناشطة فلانة...هذا غير اللي بطلع وبحكي انه إعلامي أو ناشط بالإعلام ( هذا اللي ما بنقدرش)...




التعليقات

لا يوجد تعليقات على هذا الخبر
اضافة تعليق
الاسم
التعلق

تنويه

 • تتم مراجعة جميع التعليقات، وتنشر عند الموافقة عليها فقط.
• تحتفظ " الشعب نيوز " بحق حذف أي تعليق، ساعة تشاء، دون ذكر الأسباب.
• لن ينشر أي تعليق يتضمن إساءة، أو خروجا عن الموضوع محل التعليق، او يشير ـ تصريحا أو تلويحا ـ إلى أسماء بعينها، او يتعرض لإثارة النعرات الطائفية أوالمذهبية او العرقية.
• التعليقات سفيرة مرسليها، وتعبر ـ ضرورة ـ عنهم وحدهم ليس غير، فكن خير مرسل، نكن خير ناشر.